Элнура Нуркалиева Президенттик стипендиянын ээси болду!
16-декабрда Бишкекте Кыргыз Республикасынын Президенти Садыр Жапаров өлкөнүн мыкты 90 университет студентине президенттик стипендияларды тапшырды. Жеңүүчүлөрдүн катарында Метрология, стандартизация жана сапатты башкаруу кафедрасынын ССМ(б)-1-21 тобунун студенти Элнура Эдилбековна Нуркаalieva да бар!
Мамлекет башчы жаш таланттарды жеке өзү куттуктап, ар бирине 60 000 сомдук стипендия тапшырды. Президент жеңүүчүлөргө окуусунда жана кесиптик өсүшүндө мындан ары да ийгилик каалады.
Президенттик стипендия жыл сайын мыкты академиялык жетишкендиктер жана коомдук турмушка активдүү катышуу үчүн ыйгарылат.
Элнураны бул жогорку сыйлыгы менен куттуктайбыз! Биз студенттерибиз менен сыймыктанабыз жана ага окуусунда жана карьерасында жаңы бийиктиктерди каалайбыз! 🎓✨
