Техника илимдеринин доктору, профессор, КРУИАсынын академиги
Билими
1978-жылы Фрунзе политехникалык институтунун механика-машина куруу факультетин аяктаган.
Квалификациясы – инженер-механик-изилдөөчү.
Эмгек тажрыйбасы
- 1984–1991-жж. – Пресстик комплекстер лабораториясынын илимий кызматкери.
- 1992–1995-жж. – Илимий катчы жана илим боюнча директордун орун басары.
Илимий-изилдөө ишмердүүлүгү
Өзгөрмө түзүлүштөгү шарнир-рычагдуу механизмдердин структуралык жана кинематикалык анализинин негиздерин иштеп чыккан, ошондой эле звенолордун геометриялык параметрлери өзгөргөндө алардын түзүлүшүнүн өзгөрүү мыйзам ченемдүүлүктөрүн ачып берген.
130дан ашуун илимий эмгектин автору, анын ичинде:
- 3 монография;
- машина куруу багытындагы студенттер үчүн 3 окуу куралы;
- 11 патент жана ойлоп табууга автордук күбөлүк.
Сыйлыктары
- 2002-ж. – Илимий ишмердүүлүктөгү жетишкендиктери үчүн Кыргыз Республикасынын Ардак грамотасы менен сыйланган.
- 2010-ж. – «Кыргыз Республикасынын илимине эмгек сиңирген ишмери» ардактуу наамы ыйгарылган.
